Amara Berri eta Ekintza ikastoletako azalpenak

AMARA BERRI

Helbideak: Prentsa, irratia, telebista eta txikiweba

Helburuak: Eskolan egiten diren lanei irteera ematea eta teknologia berrien munduan
murgiltzea.

Ezaugarriak: Egunero irekita daude eta ikasle guztiek parte hartzen dute.

PRENTSA: 

ABE ( Amara Berri Egunkaria)
Egunero argitaratzen da
Kazetariak 3.zikloko 4 ikasle.
Egunero kaleratzen da

IRRATIA:

Auzoan emititzen da. FM 107.2
Web-an ere entzun daiteke
Teknikariak 2.zikloko 2 ikasle
Zuzenean entzuten da

TELEBISTA: 

4 ikasle daude
2 ikasle grabatzen eta editatzen

TXIKIWEBA:

4 ikasle egiten dute, baina binaka.
6. mailako batek 5. mailako batekin jartzen da. Bakarrik ikasten dute.

* QUICKTIME BIDEOAK IKUSTEKO ETA IRRATIA ENTZUTEKO (MAC EZ BADAUKAZU)

EKINTZA IKASTOLA

• Ekintza ikastola pixkanaka aldaketak egitea dute helburu, teknologiaren erabilpena bultzatuz.
• Pertsona guztiak ezberdinak izanik, arkatzak golpean kentzea gehiegizkoa dela uste dute eta aldaketa hori pixkanaka egin beharra dagoela guztien onurarako. Batzuk oraintxe hasi dira korreoa erabiltzen ikasten beste batzuk aurrerago doazen bitartean.
•  Erakusten dena berdina dela esaten dute, erakusteko metodologia aldatuta ere gauza bera erakutsi daitekeela, hain zuzen ere.
• Hala ere, lehenengo metodologia berritu eta gero teknologia sartu behar den edo lehenengo teknologia sartu eta gero metodologia berritu behar den ez dago seguru, eta beraiek ere dudak dituzte.
•  Beraien buruarekiko azterketa kritikoa eginez, irakasle guztiek aldatu behar dute metodologia ez batzuk bakarrik. Horretaz gain, ikasgai guztiek egon behar dute metodologia horretara moldatuta ez batzuk bakarrik. Adibidez, natur zientzietan powerpointa sartzea.
• Teknologiak erabiltzeko ohitura falta dago, gainera, ordenagailuak egoteak ez du esan nahi teknologia barneratuta dagoenik. Erabili egin behar da teknologia hori umeek beraien kasa ikasi dezaten.
• Irakasleak ikaslearen papera ere har dezake, gauza besteengandik ikastea baita.
•  Irakasleak normalean ez dira fidatzen ikasleez. Mugikorra ateratakoan zerbait txarra egiten ari direla uste dugu eta ez, adibidez, hiztegi birtual batean begiratzen.Honek kontraesana ekartzen du, teknologia erabili behar baita baina ikasgelan ez dute uzten.
• Teknologia ondo erabiltzen ikasi behar dugu. Irakasle askori teknologiarekin ibiltzen erakutsi behar zaie, minimoa behintzat (word, powerpoint..). Gainera, plataformak kudeatzen ere jakin behar dugu, notak jartzeko, adibidez (dropbox, drive..)
•  Softwarea, ikasteko edo modu didaktikoan euskaraz badago, baina, didaktikoa denetik kanpora oso gutxi (nahiz eta orain sare sozial askotan euskaraz ibili daitekeen.
• Teknologiarik egon ez den eskola batean teknologia sartzea oso zaila da, nahiz eta eusko jaurlaritzak 5. eta 6. mailakoentzat portatilak eskaintzen dituzten.

Praktika Ona

GURE HERRIA eta EUSKAL HERRIA

Testuinguraketa:

Gu Eukal Herrian bizi gara. Gure herriaren gaineko informazioa bilatzeko bide ezberdinak hartu ditzakegu: Liburuak, telebisako dokumentalak, wikipedia...oraingoan berriz, Google Earth aplikazioa erabiliko dugu. Hau da, teknologia berriek eskaintzen diguten abantailaz gozatuko dugu.

Google Earth-en eskutik edozein herriaren eta bere inguruaren informazio asko jaso dezakegu. Unitate honetan, Euskal Herria osatzen duten zazpi probintziak eta bere hiriburuak izendatzen eta kokatzen ikasteaz aparte, ikasleek euren herriko txoko ezberdinak deskubrituko dituzte. Herriak kaleak, parkeak, auzoak, eskolek, liburutegi edo eta zerbitzu ezberdinak eskeintzen dituzten dendek osatzen dituztela.

Plana gauzatzen doazen neurrian, informazioa bildu, hautatu eta laburtu egingo dute. Informazioa gordetzen eta antolatzen joango dira, bukaeran lanaren aurkezpen bat egiteko gainontzeko kideen aurrean.

Helburu didaktikoak:

• Euskal Herriko osaera geografikoaren ezaguera.
• Euskal Herriko probintzien eta euren hiriburuen izendapena eta kokapena.
• Euskal Herriko mugarrien identifikazioa.
• Aplikazio ezberdinak jaisteko gaitasuna.
• Lankidetza, lan taldean aritzea.

Oinarrizko konpetentziak:

• Interneteko zerbitzuak (weba, postaelektronikoa, foroa, txata, mezularitza eta beste hainbat) trebetasunez erabiltzea, informazioa bilatzeko, kideekin ikastetxean eta handik kanpokomunikatzeko eta esperientziak partekatzeko.
• Helburu hauetara bideratutako IKTak identifikatu eta ebaluatzea:

􀁸 Diziplinako edukiak ulertu eta garatzea (egintzak, ideiak ,teoriak, kontzeptuak) eta haien artean hierarkiak eta loturak ezartzea,

􀁸 askotariko komunikazio moduak erabiltzea, diziplinari dagozkion genero eta ikur-­sistemak baliatuz, betiere hartzaileak eta testuingurua kontuan izanik.

􀁸 ezagupena balidatzeko diziplinari dagozkion metodo, prozedura eta moduak erabiltzea.

􀁸 diziplinan ezagupena eratzea gidatzen duten asmo eta interesei buruz sakontzea

*Mundu errealeko gaiak arakatzea eta/edo benetako arazoei irtenbidea ematea ahalbidetzenduten IKT baliabideak erabiltzea.

• 2Dko edo 3Dko irudikapenen bitartez abstraktua konkretu bihurtzea ahalbidetzen duten IKT baliabideak erabiltzea
• IKTak multimedia material didaktikoak diseinatzeko erabiltzea, besteak beste elkarrekintzazko atlasak, erakustaldiak, animazioak, simulazioak eta ariketak diseinatzeko.
• Informazioa, eta batez ere web-­informazioa, bilatu eta aztertzeko estrategiak modelatu eta sustatzen dituzten ikaskuntza-­esperientziak diseinatu, gauzatu eta ebaluatzea.

Edukiak:

• Probintziak, hiriburuak eta herrialdeak zerrendatu eta bereiztu .
• Mugak eta lurmuturrak ezagutu eta kokatu.
• Google Earthen erabilera.
• Norberaren herria hobeto ezagutu.
• Euskal Herriari buruzko ezagutzak zabaldu.
• Teknologiaren erabilpena (argazki kamara, ordenagailua..).
• Konparazioak, estimazioak, optimizazioak…, ikasleen mailari egokitutakoak.

Orientazio metodologikoak

• Jarduera sekuentzia:
  • 1. Saioa: Aurreideiak komentatu eta Google Earth deskargatu.
  • 2. Saioa: Google Earth aplikazioaren erabilera azaldu eta begiratu.
  • 3. Saioa: Euskal Herriaren kokapena bilatu, mugak zehaztu eta lurmuturrak kokatu.
  • 4. Saioa: Euskal Herriko probintziak eta hiriburuak aurkitu eta identifikatu. Ondoren, bakoitzak eskola kokatzen den herriari buruz Google Earthen zer ateratzen den behatu (argazkiak, bideoak, eraikinak…) eta guztien artean komentatu zer falta den.
  • 5. Saioa: Bakoitzak bere kamara hartuta herrian bertan argazkiak atera, bideoak grabatu eta informazioa bildu.
  • 6. Saioa: Ateratako argazki eta bideoak Google Earthera igo.
  • 7. Saioa: Aurkezpen baten bidez ikasitakoa azaldu, egindakoa erakutsi eta iritzia eman.

• Baliabideak
  • Google Earth
  • Ordenagailua
  • Argazki kamara
  • Arbela digitala
  • Kanoia

Jarduera sekuentzia eta azalpena

1. Saioa: Hasieran, gaiarekiko kopapena egingo da, horretarako, ikasleen aurreiritziak eta irakasleak emandako informazioaren arteko kontrastea egingo da.

Galdera ezberdinak planteatuko dira:

• Nola du izena zure herriak?
• Zer aurkitu dezakezu herri batean?
• Non dago zure herria, munduan? Europan? Euskal Herrian?
• Zer dakizu Eukal Herriari buruz? zein hizkutzatan hitz egiten da?zein txanpon erabiltzen da erosketak egiteko?
• Ba al dakizue Euskal Herria nola osatzen den? 

Ondoren gela antolatuko da ikasleak hirunaka jarriz. Gero, talde bakoitzari ordenagailu bat emango zaio internetera sartzeko eta Google Earth-en aplikazioa jaisteko. Google Earth jaisteko, google-eko bilatzailean “descargar Google Earth” idatzi eta lehenengo orrian sartu behar dira. Web orrian daudela “aceptar y descargar” eman eta bakarrik jaitsiko da. Gero, pantailaren beheko aldean azalduko da aplikazioa. Aplikazioan sartu, “ejecutar” eman eta listo.

2. Saioa: hasteko, talde bakoitzak bere ordenagailua piztu eta Google Earth aplikazioan sartuko dira. Google Earth munduko edozein leku ikusteko balio duela azalduko da. Bertan, irudiak, mapak, erliebeak eta eraikinak ikusteko aukera dago. Gainera, mugak hori koloreko marra batekin zehaztuta daude eta itsas azpira zein espaziora joan gaitezke. Ezkerreko aldean bilatzailea dagoela azaldu eta zenbait lekuen izenak bilatzeko eskatuko zaie, ikasleek aplikazio honen erabilera ikusteko.

3. Saioa: taldeka ordenagailuak hartu eta Google Earth aplikazioan sartuko dira. Bilatzailean Euskal Herria bilatzeko eskatuko zaie. Azaltzen denean, ikusiko dute nola kolore ezberdinez mugak kokatuta dauden. Itsasertzean daudela, lurmuturrak ikusteko eskatuko zaie.

4. Saioa:

• Hiruko taldetan jarrita ordenagailua piztuko dugu eta Google Earth aplikazioan sartuko gara.
• Orri zuri bat emango diogu talde bakoitzari eta egin behar dutena azalduko diegu.
• Lehenengo, Euskal Herria munduan non kokatzen den ikusiko dugu guztiok batera, eta behin bertara gerturatuta probintzien eta hiriburuen izenak identifikatuko dituzte talde txikitan.
• Aurkitzen joan hala orri zurian idazten joango dira, ondoren irakasleari emateko eta ebaluatu ahal izateko, 15 minutu inguru pasa direnean jasoko dira orri guztiak.
• Ondoren, eskola kokatzen den herriari buruzko informazioa jasotzeko Google Earth-ekin ahal den neurrian herri horretara gerturatuko gara eta bertan aurki ditzakegun argazkiak, bideoak, informazioa.. begiratuko ditugu.
• Herrian bertan dauden gauza garrantzitsu guztiak ez direnez agertuko, talde txikitan faltan bota dituzten argazkiak, bideoak, informazioak.. zeintzuk izan diren hitz egingo dute, ondoren, guztiokin konpartitzeko. Talde bakoitzak herriko eraikin, lorategi, plaza edo kale garrantzitsu edo esanguratsu bat aukeratuko du.
• Irakasleak aukeratutako eraikin, lorategi, plaza edo kaleak bisitatzeko egokiak eta ezagunak direla ziurtatuko du eta hurrengo saioan bakoitzak argazki kamara ekarri beharko dutela adieraziko die bertara argazkiak ateratzera joateko (guztiek ez badute binaka edo hirunaka ere egin dezakete lana)

5. Saioa:

• Kalera atera aurretik arau minimoak azalduko dizkiegu, jendea errespetatzea, semaforoak errespetatzea..
• Lana egiteko 30-45 minutuko tartea hartuko dugula adierazi, denbora hori pasatzerako guztiek gelan egon behar dute berriz ere.
• Argazki kamerak hartuko ditugu eta eskolatik guztiok batera aterako gara.
• Ondoren, bakoitza bere tokira joango da eta argazkiak aterako ditugu (bakarrik utzi beharrean guztiak batera joan daitezke eta toki bakoitzean tokatzen den ikasleek bakarrik atera argazkiak).
• Irakasleak ezarrita denbora pasatakoan eskolara bueltatu beharko dute.
• Geratzen den denboran argazkiak ordenagailura deskargatuko dituzte eta interneten horri buruzko informazioa jasoko dute, 3-4 lerro nahikoa.

6. Saioa:

• Ordenagailuak piztuko ditugu eta bakoitzak ateratako argazkiak irakasleari erakutsiko dizkie.
• Ateratako argazkietatik pare bat aukeratuko ditugu gure lana burutzeko.
• Internetetik jasotako informazioa txukundu eta antolatu egingo dugu.
• Irakasleak informazioa zuzena dela frogatu.
• Frogatu ondoren, Google Earth-era sartu eta bertan argazkiak eta informazioa zintzilikatu. Garrantzitsua da plaza, lorategia, kalea edo eraikina kokatzen den leku berberean kokatzea gure lana.
• Lana zintzilikatu ondoren irakasleari erakutsi nola geratu den eta nola aurkeztuko duten pentsatzen hasi.

7. Saioa:

• Ikasle bakoitzak bere lana aurkeztuko du gainontzekoen aurrean (taldeka egin badute lana taldeka eta bakarrik egin badute bakarrik). Horretarako kainoia eta arbela digitala erabiliko ditugu. Ikasleak ordenagailuaren bitartez Google Earthen sartuko dira eta arbelarekin konektatuko dute guztiek ikus dezaten.

• Ematen duten azalpenaren barruan, guztiei erakutsi beharko die beraiek egindako lana non kokatzen den eta nolakoa den.

• Ebaluazio irizpideak
  • Arlorekiko
    • Euskal Herriko geografiaren probintzia, hiriburu eta herrialde garrantzitsuenak identifikatzea eta kokatzea, haien arteko erlazioaz eta desberdintasunen eta zenbait ezaugarrien arteko harremanaz jabetzea.
      • Ea badakien probintziak zeintzuk diren. Gipuzkoa, Bizkaia, Araba, Nafarroa, Lapurdi, Nafarroa- Beherea eta Zuberoa.
      • Ea badakien probintzia bakoitzaren hiriburua zein den. Donostia, Bilbo, Gasteiz, Iruñea, Baiona, Donibane-Garazi eta Maule-Lextarre.
      • Ea Herrialde garrantzitsuenak ezagutzen dituen. Tolosaldea, Alaya, Lea-Artibai otabar.
      • Ea erlazioaz eta desberdintasunaz ohartzen den.
    • Euskal Herriko mugak eta lurmuturrak ezagutzea eta bereiztea, hauek mapan okupatzen duten tokia ezagutuz.
      • Ea badakien Euskal Herriko mugak zeintzuk diren, hauek mapan kokatuz.
      • Ea Euskal Herriko lurmuturrak ezagutzen eta bereizten dituen.
    • Norberaren Herrialdeari buruzko ezaugarriaz jabetzea, honi buruzko ezagutzak handituz.
      • Ea badakien bere herrialdea non kokatzen den Euskal Herrian.
      • Ea Bere herrialdeari buruzko argazkiak, bideoak eta informazioa bildu duen.
    • Taldean zein banaka aritzea lanean. Lana egiterako orduan ondo konpontzea, besteen iritziak errespetatuz, gauzak adostuz eta bere lanaren ardura hartuz.
      • Ea besteen iritziak errespetatu dituen.
      • Ea gauzak bakarrik egiteko gaitasuna duen.
      • Ea bere lanaren ardura hartu duen.
    • Landutako gaiari buruzko lan bat aurkeztea euskarri digitalean; klasean landutako informazioa jasotzea eta planteatutako ariketari buruzko iritzia ematea.
      • Ea aurkezpenean Google-Earthen erabilpena egokia den.
      • Ea klasean landutako terminoak menperatzen dituen.
      • Ea lanari buruzko iritzia ondo azaltzen duen, honi buruzko alde positiboak eta negatiboak adieraziz.
  • IKT-ekiko
    • Google-Earthen erabilerarako beharrezkoak diren ezagutzak ikasi, aplikazioaren oinarrizko baliabideak menperatuz.
      • Ea badakien Google-Earth deskargatzen.
      • Ea ikasi duen Euskal Herria Google-Earthen nola bilatzen den.
      • Ea badakien Euskal Herriaren probintziak eta euren hiriburuak Google-Earthekin ikusi.
      • Ea argazkiak eta bideoak nola ikusten eta txertatzen diren ikasi duen.
    • Teknologiaren erabilpena ikasi: argazki kamara, bideo kamara eta ordenagailuaren funtzionamenduaz eta erabilgarritasunaz jabetuz.
      • Argazki kamara, bideo kamara eta ordenagailuaren funtzionamendua ikasi eta menperatzen du.
      • Teknologiaren erabilgarritasunaz ohartu da.

Google Earth

Zer da Google Earth?

Google Earther-ek munduko edozein lekuetara bidaiatzeko aukera ematen dizu. Mundu bola birtual baten eskutik, irudi digital, mapa ezberdinak, erliebeak eta 3D-ko eraikinak ikusi ahalko dituzu beste aukeren artean. Eskaintzen dituen eduki geografiko zehatzei esker, munduaren ikuspegi errealago baten pertzepzioa eskuratuko duzu. Dena zure esku dago.

Google Earth-eko azkeneko bertsioa 2005-ekoa da. Egun, Windows, Mac eta Linux PC-entzako eskuragai daude. Era berean, plugin bezalako web nabegadoretik ikusteko aukera ematen du. 2013-rako Google Earth kartografia ikuskatzeko programa ezagunena bilakatu zen mila milioiko deskargak gaindituz. Google Earth-ek 3D-etako datu geoespazialak soportatzen ditu Keyhole Markup Language o kml artxiboen bitartez. Kode QR bat irakurriz Android eta iOS zerbitzarien bitartez mugikorretan deskargatzeko aukera ematen du. 

Hori koloreko marrek, mugak zehazten dituzte. Bilaketa sistemaren bidez kokapen bat aukeratu eta pixkanaka gerturatuko zara. Bertan Street View-ren bidez ikuskapen errealagoa lortuko duzu eta argazkiak ere ikus ditzakezu. Bestetik, denbora atzera botatzeko aukera daukazu, kokapen ezberdinen hedapena eta hazkuntza ikusteko.

Itsas azpira sar zaitez, eta bisita eta deskubritu ezazu ozeano azpian dagoena. Ezagutu ozeano barrunbea. Itsas behaketen bidez, informazio asko eskuratu daiteke. Aldaketa klimatikoaren eraginaz jabetu eta desagertzeko zorian dauden espezieak 

Baina zerua preziatzeko aukera ere eskaintzen du. Eta eguzki sisteman barneratuz izarrak eta galaxia ezberdinak apreziatuko dituzu. Eta ez hori bakarrik, Apoloko astronauten narrazioekin batera, euren ilargiko lurreratze guneak ikuskatu ahalko dituzu. Planeta gorriarekin ahaztu gabe. Bertan NASA-k hartutako azken irudiak aztertu ahalko dituzu. Google Earth ezagutzera eta disfrutatzera gonbidatzen zaitugu.

Hona hemen gure tutoriala:  https://www.youtube.com/watch?v=KHBbzgMdTrk

PLE (Personal Learning Environment).

Personal Learning Environment, euskaraz, Ikasteko Ingurune Pertsonala, zer den aztertu dugu gaur ikasgelan. Lehenengo bideo bat ikusi dugu, bertan zer den, zertarako erabiltzen den, nola erabiltzen den... zehazten zuen. Gero, adibide ezberdinak ikusi ditugu guk ondoren gure PLEa egiteko.

PLEak ikasleei beren ikas-prozesuaren gaineko kontrola eta kudeaketa hartzen laguntzen dieten sistemak dira. Sistema hauek ikasleei ikas-helburuak zehaztu, ikaskuntza kudeatu, edukien eta prozesuen kontrola hartaraziz, eta ikas-prozesuan zehar beste pertsonekin komunikatzen laguntzen diete, horrela, nahi dituzten helburuak lortzen lagunduz.

Hona hemen gure PLEak:

Uxueren Ple-a:

http://prezi.com/epg_x9a3y7-y/?utm_campaign=share&utm_medium=copy&rc=ex0share

Leireren Ple-a:

http://prezi.com/2bvevchvpyte/?utm_campaign=share&utm_medium=copy

Bearen Ple-a:

http://prezi.com/sde2xr7xdk9s/?utm_campaign=share&utm_medium=copy&rc=ex0share

 Nerearen Ple-a:

http://prezi.com/p7ujn5pmb02k/?utm_campaign=share&utm_medium=copy

Folksonomia

Kasu honetan, folksonomia etiketatze sistemari buruz ere hitz egin dugu Honi buruz ari garenean, etiketatze kolaboratibo edo sozialei buruz ari gara, alegia, etiketa hauek informazioa konpartitzeko, ezberdinen artean osatzeko aukera ematen du. Adibidez, Delicious edo Flickr.

Beste etiketatze sistemekin alderatzen dena kategorizazio edo jerarkia bat ez dela ematen, hau da, gai  guztiek garrantzi bera dute.

Jarraian argazki bat uzten dizuegu ideia hobeto uler dezazuen.

Web 2.0

Ikasgelan web 2.0ren definizioa bilatzen jardun gara eta ondorengo bideoa aurkitu  dugu, ustez 1.0 webarekin duen ezberdintasuna ondo azaltzen duena eta erabailtzailearen rola azpimarratuko duena.

Bideo hau ikusi ondoren ondorioztatu dezakegu, web1.0 eta web 2.0n ezberdintasunak oso handiak direla. Aurrenekoaren kasuan, informazioa era pasibo batean jasotzeari dagokio eta 2.0n, ordea, informazioa partekatzeko, eraldatzeko, kudeatzeko... aukera planteatzen da. Hortaz, erabiltzaileak rola aldatzen du batetik bestera, bere parte hartzea areagotuz.

Teknologiaren gorakada 2013

Jarraian duzuen bideo hau ikasgelan ikusitakoa da, bertan, teknologiarekin zerikusia duten 2013ko hainbat datu erakusten dizkigu. Interesgarriak iruditu zaizkigu datuak, harrigarria baita teknologiak gure gizartean duen indarra abiadura azkarrean handitzen ari dela ikustea.

 

Gure esperientzia kontatzen eta teknografia

Lehen Hezkuntzan, orokorrean, ez dugu esperientzia haundirik izan teknologiarekin. Kasu batzuetan, informatika gelara joaten baziren ere, orokorrean, teknologiarekin ez genuen kontaktu haundirik izaten. Gela atzekaldean edukitzen genuen ordenagailu bat, internetik gabe, eta banaka erabiltzen genuen, ordenagailuan zegoen Word programa kontrolatzen eta bertan idazten ikasteko. Aldi berean, CD-etan etortzen ziren jokoak erabiltzen genituen (cityrally, ingleseko ariketak egiteko...) baita noizbehinka etxeko lanen bat ere (ordenagailua zutenek bertan egin zezaketen). Hala ere, erabilera oso urria zen, gaur egun erabiltzen dutenarekin alderatuta.

Derrigorrezko Bigarren Hezkuntzan, berriz, gure esperientzia bestelakoa da. Interneta erabiltzen hasi ginen pixkanaka pixkanaka, guretzat berriak ziren programak "kuxkuxeatzen" uzten ziguten eta zerbait ulertzen ez bagenuen esplikatu egiten ziguten. Bertan, excell, PowerPoint... eta beste hainbat programa ezagutzen hasi ginen. Gainera, irakasleek ere noizbehinka bideoak erakusten zizkiguten kañoiaren laguntzaz, nahiz eta batzuetan gu izan kañoia martxan jartzen zutenak.

Amaitzeko, esan beharra dago, natibo digitalak garela gauza batzuetarako, azken batean teknologiaz inguratutako toki batean jaio ginelako, baina aldi berean, esan beharra daukagu tartean harrapatu gaituela teknologiaren aurrerapen honek, azkeneko hamarkadan zabaldu baita teknologia hau salto haundiak emanez.

Hemen doa gure bizitzan zear eduki dugun teknologiaren bilakaera:
Gure teknografia

Lankidetza ikaskuntza

Lankidetza ikaskuntza prozesu bat da non helburu berdinarekin lan taldean, hau da, pertsona baten baino gehiagoren gaitasunen koordinazioarekin eratzen eta barneratzen ditugun ezagutza batzuk. Pertsona bakoitzak funtzio eta rol ezberdinak hartzen dituzte talde barruan bakoitzaren gaitasunen onurak batuz.

Ikt-ak eskaintzen dizkiguten baliabideak erabiliz. Informazioa google edo beste erabiltzaile batzuen bitartez aurkitu dezakegu eta antolatu eta konpartitu laino ezberdinen bitartez, adibidez, dropbox, wetransfer…

Azken batean, esan dezakegu, aurretik esandako plataforma guztiek lagundu gaitzaketela lankidetzan ikasten (internet, ordenagailua, mugikorra, blogak, pendrive, word excell, egutegi partekatuak, sare sozialak, entziklopediak, tableta…).

Zer dira IKT-ak eta zertarako balio dute eskola inguruan?

IKT-ak informazioa bilatu, aztertu, eraldatu eta komunikatzeko teknologia tresnak zein baliabideak dira. Eremu zabala hartzen dute, hau da, ez da ordenagailuetara bakarrik mugatzen, askok uste bezala. IKT-ak gure inguruko aparatuak, programak... dira, gure egunerokotasunean ikusi ditzakegun gauzak, hain zuzen ere. Horregatik, oso garrantzitsua da gaur egungo haurrek IKT-ak ondo menperatzea, hauen bidez ikertzeko, motibatzeko, gauzak berriak ikasteko, arazoak konpontzeko, pentsamendu kritikoa garatzeko eta kudeaketa lanak egiteko, etorkinari begira gauzak gero eta gehiago aldatzen direlako.

Adibideen bitartez umeek errazago barneratzen dituzte informazioak, eta adibide horiek oso baliagarriak izan daitezeke interneteko orriale ezberdinetako arriskuak eta onurak erakusteko. Horretarako, irakasle direnak eta izango garenok prestatuta egon behar dugu etorriko zaizkigun zailtasunei aurre egiteko. Oraingoz nahiko prestatuta gaudela iruditzen zaigu, gu ere teknologiaren "aldekoak" garelako, baina aldaketa asko gertatzen dira denboa gutxian eta horrek aurrerago hain prestatuta ez egotea bultza lezake.

Gaur egungo gizartea, teknologiaren menpe dagoela uste dugu. Gure egunerokotasunean beharrezkotzat hartzen dugu zenbait kasutan eta hori arazo bat bihurtu daiteke urte gutxi barru. Azken batean, teknologien menpe bizitzen ohitu garelako eta orain zaila egiten zaigulako teknologia hori gabe bizitzea, adibidez: mugikorra edo ordenagailu eramangarria kentzen badigute. Aldi berean, esan beharra daukagu teknologiaren menpe jaio garela, eta bai menpe esaten dugu, azken batean ez delako gure aukera izan.

Ikanos

Ikanos Eusko Jaurlaritzaren proiektu bat da 2013ko otsailean abiatu zena, eta informazioaren eta jakintzaren gizartea bultzatzen du. Ekonomiaren garapen eta lehiakortasun saila da buru eta ekintzailearen, berrikuntzaren eta informazio gizartearen zuzendaritzaren esku utzi da, gaitasun digitalak zer diren eta nola eskura daitezkeen ezagutarazteko, partekatzeko eta zeregin horretan laguntzeko.

Proiektu hau, euskal gizartearentzat eta bertako erakundeentzat, bereziki enpresentzat bideratuta dago eta Europako Agenda Digitalean definitutako jarraibide estrategikoekin bat dator.

Lan planari dagokionez, lau eremu bereizi ditzakegu: eSkills (ikerkuntza eta ezagutza), Learning (gaitasunak eskuratzea), License (akreditazioa eta egiaztapena), Spread (hedapena gizartean).

IKANOS proiektua eratu zenean, gaitasun digitalei balioa emateko eta gaitasun digitalak garatzeko ekarpen interesgarriak egin ditzaketen interes-talde guztien lankidetza eta parte-hartzea sustatzeko ikuspegi zabala izan nahi zen. Interes-taldeen barruan hauexek aurkitzen ditugu: adituak, erakundeak, agenteak eta eragile garrantzitsuak. Eta elementu fokalak, berriz, hauek dira: ikuspegi zabala, eraketa modu kolektiboan, inplikazioa eta parte-hartzea eta “win-win” (irabazi-irabazi) ikuspegia. Tresnei dagokionez, lankidetzakoak, argitaratzekoak, kudeaketakoak eta autoebaluazioa aurkitu ditzakegu.

Proiektu honen arrakastaren zutabeetako bat da diziplina anitzeko sare bat sortzea, eredugarria izan behar dena, eta gaitasun digitalen arloan dihardutenek osatzen dutena. Sare horretan puntako ezagutza, ikuspegiak nahiz esperientziak partekatu eta trukatu ahal dira era parte hartzaile, kolaboratzaile eta ireki batean.

Gizartearen ezaugarriak eta erronka berriak (konpetentzia digitala)

Azkeneko urteotan gauzak asko aldatu dira teknologiari dagokionez. Aldaketa hauek gure gizartean teknologia egunerokotasunean erabiltzea suposatzen du, eta horretarako, erronka berriei aurre egin behar zaie. Gaur egun, multialfabetizazioa oso garrantzitsua bihurtu da zenbait autorerentzat, bertatik ikasten dugulako informazioa modu ezberdinetan lortzen eta komunikatzeko bide berriak aurkitzen.

Multialfabetizazioaren zati bat irakasleen eta ikasleen esku dago. Azken 10 urteetan jaio diren ikasleak natibo digitalak direla esan dezakegu eta gainontzekoak, orokorrean etorkin digitalak. Natibo digitalak teknologia digitalaz inguratuta jaio direnak dira eta etorkinak berriz, teknologia digital berri hauetara ohitu behar izan direnak. Etorkinak direnak bi jarrera hartu ditzakete: teknofilia (teknologia ezinbestekotzat dutenak) eta teknofobia (teknologiari beldurra diotenak).

Irakaslearen lana, beraz, teknologia digitalari begira ikasleak baino pausu bat aurrerago joatea izango litzateke, horrela, funtzionamendu, arrisku eta beste hainbat gauzaz abisatzeko.

Multialfabetizazioa

Konpetentzia digitala, 3 ikuspuntuetatik ikasi dezakegu: autoreak, eskola eta gizartea. Kasu honetan, autoreetan zentratuko gara, Manuel Arean, zehazki. Honen ustez, konpetentzia digitala garatzeko multialfabetizazioa oso garrantzitsua da. Multialfabetizazioaren barruan, 3 alfabetizazio mota daude: audiobisuala, digitala eta informazionala.

Alfabetizazio audiobisuala entzuten eta ikusten dugunetik ikastea da, eta bertatik kritikoki jasotzen ditugun mezuak analizatzea.

Alfabetizazio digitala, berriz, software eta hardware-a erabiltzen ikastean datza.

Alfabetizazio informazionalean, izenak dioen bezala, informazioa bilatzen, kudeatzen, analizatzen, berrerabiltzen... ikasi behar da.

Beraz, esan dezakegu, multialfabetizazioa 3 alfabetizazio motak biltzen dituen multzoa dela, konpetentzia digitala lortzeko beharrezkoak diren ikasketen multzoa, hain zuzen ere.

Behar formatiboak

Konturatu gara gure ezagutzak ikasleen aldekoak direla eta ez irakasleen aldekoak, hau da, ez dakigula besteei azaltzen. Irakasgai hau bukatzerakoan besteei gure ezagutzak transmititzeko gai izatea espero dugu, baita gure ezagutzak hobetzea. Umeak gero eta ezagutza digital zabalagoarekin etortzen dira ikastolara eta horrek irakaslearen ezagutzak ere handiagoak izatea inplikatzen du, horretarako, prestakuntza ezberdinak lortu beharko ditugu.

Zer formakuntza teknologikoa behar dugu IKTn?

Formakuntza teknologikoari buruz hitz egin dugu gaurko saioan eta honi buruzko aurreideiak idatzi eta eztabaidatu ditugu guztion artean. Orokorrean, ideia berdinak genituen talde guztietan eta ideia hauek 3 talde ezberdinetan banatu ditugu: software, interneta eta hardware.

Software-ren barruan, programa espezifikoak erabiltzen jakitea garrantzitsua dela uste dugu (Word, Excell, PowerPoint, MovieMaker, Winzip…) baita hauek instalatzea ere. Aldi berean, mekanografia edo idazteko trebetasuna izatea baliagarria izan daiteke.

Internetari dagokionez, maila ezberdinetako gauzak jakin behar dira. Alde batetik, lainoak (dropbox, onedrive, wetransfer…) erabiltzen ikasi behar dugu, gure lan eta informazioak elkarbanatzeko. Bestetik, korreoa erabiltzea eta dituen baliabideak ezagutzea komeni da, bai ikasle eta bai irakasleen artean lanak bidaltzeko. Informazioa kudeatzeko, bilatzeko, moldatzeko eta konpartitzeko erabili dezakegu interneta, baina aldi berean, arriskuak ere badituela jakin behar dugu, baita umeei adierazi ere.

Hardware-ri begiratuta, oinarrizko gauzak ezagutzea beharrezkoa da (ordenagailua eta arbela elektronikoa piztu eta itzaltzea, erabiltzen diren kableak ezagutzea, kainoia konektatzen jakitea…).

Taldea ezagutzen

Kaixo, gu Bea, Leire, Nerea eta Uxue gara. Donostian ikasten dugu eta Lehen Hezkuntzako 2. mailan gaude. 32.2. gelan gaude eta G.O.3. azpitaldekoak gara. Udara polit bat pasa ondoren, berriro ere lanean hasi gara. Kasu honetan, blog bat egiten saiatuko gara aurretik dakiguna eta ikasiko duguna txertatuz. Espero dugu bloga zuen gustokoa izatea, iradokizunik baduzue idatzi lasai.